Nikum Synod inkhawmpui chuan Presbytery siamremin, Serlui leh Hmarthlang Presbytery atanga pawtkhawmin Kolasib Presbytery a siam thara, Kolasib Presbytery-ah chuan Pastor bial 5: Diakkawn, Venglai, Hmarveng, Bairabi leh Pangbalkawnte kan awmkhawm dawn a, kan awmna hlui Serlui chuan Thingdawl, Kawnpui, Kawnpui chhim veng leh Hortoki bialte a la chhawm chho zel ang. Tun hma hun rei tak kan lo awm tawhna Hmarthlangah erawh chuan Bial 6: Bilkhawthlir, Bilkhawthlir ‘N’, Vairengte, Vairengte chhim veng, Rengtekawn leh Phainuam bialte an awm zui thung ang.
Synod thuchhuak angin May ni 2&3 hian Presbytery thar hawn pahin Special Presbytery neih zui nghal tur a ni a, chu hun pawimawh tak chu kan Kohhranin kan thleng dawn ta a ni. Pathian khawngahihnain zizawl pawna Kohhran lian ber pawl kan nihna leh Kolasib tlang dunga pa chan chang kan nihna hre rengin hneh taka thleng tura kan inbuatsaih a ngai dawn a ni.
Organising Committee chuan felfai taka Special Presbytery kan thlen theihnan hetiang hian mawhphurtu a siam:
Reception, Information, Ushering & Banner - Branch KTP. Traffic & Sanitation- Kohhran Pavalai Pawl. Decoration- Kohhran Hmeichhia. Refreshment- Upa Lalrinmawia Ngente,
Tv. Ramngaihzuala, Nl. K. Zorampari
May ni 2 Inrinni chawhma dar 10 ah Presbytery thar hawnna inkhawm awmin, chawhnuah rorel tur a ni a, Inrinni zan atanga Pathianni zan thlengin vantlang Pathian biak inkhawm a awm bawk ang. Mikhual thlen chungchang leh thildang tul apiangah phur takin Kohhran ho che tlang ila. Presbytery hmangtuten Pathian ropuina an hmuh theihnan leh ‘Diakkawn nge nge’ an tih theihnan theihtawp kan chhuah tlang dawn nia.
No comments:
Post a Comment