- C. Vanlalruata-
December thla a ni a, America ram
pum mai chu Thlasik boruak nuam tak chuan a tuam a, vur a tla seng seng a,
chutiang boruak nuam tak hnuaiah chuan hmeichhe pakhat hian Car a khalh a, hun
rei tak a hmuh tawh loh hnuin krismas hmang turin a khaw hlui Cincinatti, Ohio
lamah a inkhalh haw mek a ni. Chu hmeichhia chuan fa duhawm tak mai pakhat a
nei a, a car hnung seat ah chuan tui takin a muhil sek sek bawk a. Zirtawpni
tlailam a ni a, a, krismas urlawk ni a ni nghe nghe. Sasaw thing lian leh thelh
thulh maite chu a tlan pel zut zut a, krismas hla chu a play riai riai a,
lunglen ti zual tawk lekin car tukverh atanga thli lo lut chuan a hmai a rawn
chhem vawt leh seng seng thin a, a sam chhawlleng te chu a leng siau siau a.
Car hnung lam seat-a a fa duhtak muhil lai a melh leh zauh thin tih loh chu a rilru a kal ding hle. Chu hmeichhia chuan pasal a nei lova, a nu leh pa a chhuahsan hnuah a nun a hmang uluk lo bawk nen, sawn a pawm ta reng a ni. A tunhma hun a ngaihtuah a, a nu leh pa bulah a thlamuan theih ziate, a unaute nen hlim taka an infiam thin lai te a ngaihtuah a. A nu leh pa te kristian tha tak an nih avangin Biak Inah pawh an inkhawm thin a nih kha. Sunday school-ah Isua chanchin an zir laite a ngaihtuah ta zel a. Nia, an lawina kohhranah pawh Zaipawl member ( Church choir) a ni nghe nghe a, Biak Inah pawh hla an rem thin a nih kha. Zantin a mut dawnte hian a tawngtai thin kha a ni a. Church choir-a a member puite kha engtin awm ve ta zel maw tihte a ngaituah neuh neuh a.
Kum 18 anihin a nu leh pa chhuahsanin mahni kut ke a ding turin an khua a chhuahsan a, chumi hnu chuan khawvel thilin a rilru a luah tan a, thununna hnuaia awm ta lo chu a zalenna a hmang sual ta, zu leh ruihhlo nen, mipat hmeichhiatna lamah hial chesualin sawn a pai ta kha a ni a…tihtlak a ngam bawk si lo. Tun hi a thleng ta a nih kha… chutiang thil hlir a ngaihtuah avang chuan a Car khalh lai chu a lo hre chang tawhlo. A lo tlanchak hle tawh mai a, a hma kawngpuiah chuan vur khawn a lo inphah phei zui mai a lo ni !!
A car tyre chu vur chungah chuan a tawlh chik tuarh a, a kawi zawk zawk a, a vir phei ta chuai chuai mai a. Chu hmeichhe mangang lutuk chuan a car steering pawh a ngaihtuah hman lo..a ban a phar a, “Lalpa Isu, khawngaihin ka car steering min khal sak rawh” tiin a au tuarh mai a. Chu hming “ISUA” tih chu kum engzat chhung nge a lam rik tawh loh tih pawh a hre tawh lo. Nimahsela, Chu Lal Isua chuan a lo theihnghilh ve ngai hauh lo. Thinlung mangang, tihtak zeta tanpui tura au tu chu a ti thlawn lo. Lal Isua chuan a hring a hranin Car steering chu a rawn khalh lo, mahse mak tak maiin Vur khawn chungah chuan Car chu a ding chawt mai a.. thaw dep depin car seat hnung a a naute muhil chu a va melh a, a lo la muhil chiah chiah mai a !!! Chu hmeichhia chu mittui tla zawih zawihin Lalpa hnenah chuan a tawngtai ta a, a thinlung chu Lalpa hnenah chuan a hlan ta a ni.
He hla hi American Idol, Carrie Underwood chuan thiam tak maiin a sa a, Brett James, Hillary Linsdey leh Gordie Simpson te phuah niin, kum 2005 khan released a ni a, a lar nghal hle mai a. American country chart ah pakhatna hauh in, CMT in kum 10 chhunga hla ropui 40 a thlan zingah a tel a ni. A rei deuh tawh naa thalaite chuan kan la hre vekin a rinawm. Mahse he hla thu hian ringtute nunah thu a sawi thar leh si thin a nih hi.
Mihringte hian ‘tha ve tawk’, ‘thei ve tawk’ ni a inhriat chang kan nei fo thin. ‘Ti thei’ ni a kan la inngaih chhung hi chuan Lalpa hi au thin mah ila a che mawh khawp hian ka hre thin. Nimahsela thinlung taka inngaitlawm a, mahni lam tla vek a, “Lalpa, he thil hi ka chakna chuan a tlin lo, ka ti thei lo a ni, khawngaihin min tih sak rawh” ti a kan auh meuh chuan Lalpa kut a lo lang thin. A mite tap thawm a hria a, Amah mamawhtu tak tak te a hria. Amah mamawhtute tanpui loh hi Lalpa hian a theilo zawk emaw ni ka ti hial thin.Kei ngei pawh hian he thil dik zia hi a takin ka nunah ka hmu tawh thin a ni. Sual vangin I rum thin em? I nunah harsatna leh lungngaihna I tawk ve thin em? Nangmaha chinfel tum lovin engahnge Lal Isua hnenah a chinfel turin I thlen mai loh vang ?? I koh hun a nghak reng a ni si a….
Car hnung lam seat-a a fa duhtak muhil lai a melh leh zauh thin tih loh chu a rilru a kal ding hle. Chu hmeichhia chuan pasal a nei lova, a nu leh pa a chhuahsan hnuah a nun a hmang uluk lo bawk nen, sawn a pawm ta reng a ni. A tunhma hun a ngaihtuah a, a nu leh pa bulah a thlamuan theih ziate, a unaute nen hlim taka an infiam thin lai te a ngaihtuah a. A nu leh pa te kristian tha tak an nih avangin Biak Inah pawh an inkhawm thin a nih kha. Sunday school-ah Isua chanchin an zir laite a ngaihtuah ta zel a. Nia, an lawina kohhranah pawh Zaipawl member ( Church choir) a ni nghe nghe a, Biak Inah pawh hla an rem thin a nih kha. Zantin a mut dawnte hian a tawngtai thin kha a ni a. Church choir-a a member puite kha engtin awm ve ta zel maw tihte a ngaituah neuh neuh a.
Kum 18 anihin a nu leh pa chhuahsanin mahni kut ke a ding turin an khua a chhuahsan a, chumi hnu chuan khawvel thilin a rilru a luah tan a, thununna hnuaia awm ta lo chu a zalenna a hmang sual ta, zu leh ruihhlo nen, mipat hmeichhiatna lamah hial chesualin sawn a pai ta kha a ni a…tihtlak a ngam bawk si lo. Tun hi a thleng ta a nih kha… chutiang thil hlir a ngaihtuah avang chuan a Car khalh lai chu a lo hre chang tawhlo. A lo tlanchak hle tawh mai a, a hma kawngpuiah chuan vur khawn a lo inphah phei zui mai a lo ni !!
A car tyre chu vur chungah chuan a tawlh chik tuarh a, a kawi zawk zawk a, a vir phei ta chuai chuai mai a. Chu hmeichhe mangang lutuk chuan a car steering pawh a ngaihtuah hman lo..a ban a phar a, “Lalpa Isu, khawngaihin ka car steering min khal sak rawh” tiin a au tuarh mai a. Chu hming “ISUA” tih chu kum engzat chhung nge a lam rik tawh loh tih pawh a hre tawh lo. Nimahsela, Chu Lal Isua chuan a lo theihnghilh ve ngai hauh lo. Thinlung mangang, tihtak zeta tanpui tura au tu chu a ti thlawn lo. Lal Isua chuan a hring a hranin Car steering chu a rawn khalh lo, mahse mak tak maiin Vur khawn chungah chuan Car chu a ding chawt mai a.. thaw dep depin car seat hnung a a naute muhil chu a va melh a, a lo la muhil chiah chiah mai a !!! Chu hmeichhia chu mittui tla zawih zawihin Lalpa hnenah chuan a tawngtai ta a, a thinlung chu Lalpa hnenah chuan a hlan ta a ni.
He hla hi American Idol, Carrie Underwood chuan thiam tak maiin a sa a, Brett James, Hillary Linsdey leh Gordie Simpson te phuah niin, kum 2005 khan released a ni a, a lar nghal hle mai a. American country chart ah pakhatna hauh in, CMT in kum 10 chhunga hla ropui 40 a thlan zingah a tel a ni. A rei deuh tawh naa thalaite chuan kan la hre vekin a rinawm. Mahse he hla thu hian ringtute nunah thu a sawi thar leh si thin a nih hi.
Mihringte hian ‘tha ve tawk’, ‘thei ve tawk’ ni a inhriat chang kan nei fo thin. ‘Ti thei’ ni a kan la inngaih chhung hi chuan Lalpa hi au thin mah ila a che mawh khawp hian ka hre thin. Nimahsela thinlung taka inngaitlawm a, mahni lam tla vek a, “Lalpa, he thil hi ka chakna chuan a tlin lo, ka ti thei lo a ni, khawngaihin min tih sak rawh” ti a kan auh meuh chuan Lalpa kut a lo lang thin. A mite tap thawm a hria a, Amah mamawhtu tak tak te a hria. Amah mamawhtute tanpui loh hi Lalpa hian a theilo zawk emaw ni ka ti hial thin.Kei ngei pawh hian he thil dik zia hi a takin ka nunah ka hmu tawh thin a ni. Sual vangin I rum thin em? I nunah harsatna leh lungngaihna I tawk ve thin em? Nangmaha chinfel tum lovin engahnge Lal Isua hnenah a chinfel turin I thlen mai loh vang ?? I koh hun a nghak reng a ni si a….
