SENIOR & SACRAMENT DEPARTMENT INKHAWMPUI PROGRAMME

A hun        : 20th - 21st September 2014
A hmun     : New Diakkawn Kohhran Biakin

20.09.2014 Inrinni zan(7:00 PM) - INLAWMNA LEH REPORTS
Tantu         : New Diakkawn Kohhran atangin
Zaipawl     : Senior Department (Diakkawn)
                    Senior Department (Vengthar)
                    Senior Department (Khuangpuilam)
Special Items    : Sakramen Department (College Veng)
                            Sakramen Department (New Diakkawn)

21.09.2014 Pathianni (10:00 AM) - CHAWHMA INKHAWM
Tantu               : Vengthar Kohhran atangin
Thuchah          : P.Pastor Vanlalchhuanga
Zaipawl           : Senior Department(College Veng)
Special Item    : Sakramen Department ( Vengthar)
                        Sakramen Departmen (Khuangpuilam)

21.09.2014 Pathianni (1:00 PM) - VARIETY PROGRAMME
Thuchah           : Upa HD Darrobuanga (Bial Secretary (jr)
Special Item     : Senior Department atangin 2 theuh
                         Sakramen Department atangin 1 theuh

21.09.2014 Pathianni (7:00 PM) - ZAN INKHAWM
Thuchah                    : Upa R. Lalduhawma
Medal/ Award sem    : Upa Lalrinmawia Ngente
Zaipawl                     : Senior Department(New Diakkawn)
Special Item              : Sakramen (Diakkawn) & Bial Zaipawl

Fellowship Programme
A hun              : Pathianni chawhma ban
Hruaitu            : Leader, Senior Department, New Diakkawn
Special Item    : Senior Department(New Diakkawn)
                        Senior Department(Khuangpuilam)
                        Senior Department (Diakkawn)
THAWHLAWM
Pathianni Chawhma     - Thlengtu Kohhran Pual
Pathianni zan               - Bial Pual

PAVALAI WORK CAMP REPORT

     - C. Laldingliana, Asst. Secretary, kohhran Pavalai Pawl

Bairabkunda, Assam Mission  Field ah Diakkawn Kohhran Pavalai Pawlte Work Camp turin Dt 18/8/14 zing dar 5:30 ah member 21 zet MST Bus in kan chhuak a, Sonapur ah leimin avangin darkar hnih chuang kan tang tihloh chu  tluang taka tlanin, Guwahati zan dar 11:00 velah kan thleng a, Field Secretary Rev H.Lalhmingmawia, Pastor R.Vanlalngena leh thawktu dangte min lo dawngsawng a, thawktu inah chawei min lo siam den den a, kan riak nghal a. Ni 19/8 Thawhlehni zing dar 6:00 ah kan Work Camp na tur hmun lam kan pan leh nghal a, Filed Secretary hian a hmun thleng min hruai. Zing dar 9:00 velah Bairabkunda kan thleng a, tukthuan kan ei zawhin hna kan tan nghal a. Kan cham chhungin thawktuten min thleng darh a, eirawng erawh hmun khatah kan bawl thung. Ei/in hi Field lamin min tumsak vek bawk.
    Hnathawh dan tlangpui : Kan hnathawh tur hi School building sak zawm a ni. 24ftx18ft a sak zawm tura ruahman a ni a, a hmunin a la zawh tho avangin Pu K.Zalawma thahnemngai chuan zawm belh rawtin, 'a senso pawh ka tum mai ange' a tih avangin 32x18 in kan sak zawm tan ta a. Rod, cement te la chawpin, a hmunhma kan tehfel hnuah bankhurte lai chawpin, a thenin Chokut te an siam nghal a, tumah awl awm lovin kan thiam leh thawh theih ang ang kan thawk nghal sang sang a. Hemi ni hian ban 6 kan chhung hman a. Kan hnathawh hi RCC anih avangin nghah char deuhte a ngaih zel avangin rilru a hmanhmawh angin hnathawh a hmanhmawh theihloh thung a. Zing dar 6:00 vel atanga hna thawk tanin, khawen chhung zawng kan thawk a,thingpui in leh chawei chhung reilote kan chawlh bak chawlh hahdam nei lovin, ngawrh taka thawkin Ni 22/9 Zirtawpni tlaiah kan thawh tur ang chin, a liang thlengin brick kan rem chhuak vek hman. Kan in sak hi a chung rangva chih  tur anih avangin chhunzawm zel theih a ni rih lova, kan thawh chin hi kan thawh zawh tur chin chu a ni. Hemi bakah hian Dispensary Toilet la zawhfel loh pawh kan thawhsak bawk.
    Inlawmna leh inthlahna: Dt 20/8 Nilaini zanah kan pualin Inkhawm an buatsaih a, hetah hian inhmelhriat tawnna te neiin Upa Lalrinmawia'n Pathian Thuchah a sawi. Dt 22/8 zanah Inthlahna Inkhawm kan nei leh a, kan rilrua awmte kan sawi a, a nuam hle.
    Foreign lamah : Bairabkunda hi Assam, Bhutan leh Arunachal inri khawmna lai a ni a, helai hmun thleng ve ta chu, 'foreign a hnai bawk a', tiin chhun chawlh hahdam aiah 'foreign ah I leng' ang kan ti a, Bus in 5 mins vel kan tlan a, Bhutan kan thleng der. A ram chhungah te kan lut a, Bhutan theitui te kan in a, thlate kan la a, kan haw  kawngah Arunachal lui lian Dhansiri kamah kan chawl a, Irrigation Project tui lak leh semchhuahna hmunpuiah kan chawl leh zawk a, tui luang ri hum hum chungah thla kan la leh zawih zawih a, chawhnu lam bung leh turin kan haw ta a ni.
    Bairabkunda, Kohhran leh School : He khua leh a chhehvel hi hnam chi hrang inchenpawlhna hmun a ni a, School zirtirna ah, tawng lamah harsatna a awm thin avangin kan in sak pawh hi Tawng Zirna room tura ruahman a ni. He School 'St Pauls School'hi Nursery atanga Class X thleng zirna hmun a ni a, zirlai 280 an awm a, 150 vel Kristian an ni. Zirtirtu , Mizo 22 leh a ram mi 5  an awm. Mission compound-ah Mizo thawktu chhungkaw 22 an awm a, an compound a zauin an vawngfai a, a nuam hle. Bairabkunda Kohhran ah hian chhungkua 59, Kohhran member 208 an awm. Biak In pawh tha tak an sa mek.
    Haw kawng : 22/8 Zirtawpni zing 5:30 ah chhuakin, 9:00 velah Guwahati kan thleng a, Field Secretary ten tukthuan min lo buatsaih leh a, darkar 3 vel kan chawlh hnuah Shillong ah kan riak chho a, Mizoram House ah  riakin, Pu Jacob Lalawmpuia (s/o Rev Lairotluanga) DRC chuan riahman chawilo in min thlentir a, a lawmawm hle. A tuk zingah chhuak lehin dt 24/8 zan dar 7:00 velah dam takin Kolasib kan rawn thleng leh ta a. Kan Work Camp-ah hian Pathian hruaina ropui tak kan dawng a, Pathian hnenah lawmthu kan sawi a ni.   
    Hlimawm lai : Kar khat zet thang kan nih avangin lung te pawh a leng hman a ni mai thei, ' Nai m m ce', " Nai th che " tih vel SMS a thawn leh dawng an awm nual nia hriat a ni. Pavalai memberte hi min hruaitu Upa Amawia'n Skill-I, Skill-II leh unskill ah te min thenin, kan hnathawh dan tur te a relfel thin a, zinkawngah pawh  tawngte a lo thiam bawk a, harsatna kan tawk lem lo a ni.