PRINCIPAL THAR

Kan bial school Presbyterian English School a kan Principal Upa C. Lalbiakthanga chuan a hna a lo chawlhsan tak avangin a aiawh turin Pu H. Vanlallawma (Malawma) chu lak a ni. Kohhranho ten kan Principal thar tan i tawngtai pui ang u.

HRUAITU AH THLANG

Kan Kohhran hruaitute zinga mi Upa Lalrinmawia Ngente leh Upa Chawngthanmawia te chu tuntum Kolasib Sub Headquarters YMA inkhawmpui Kawnpuia neih ah hruaitu atana thlan anni.

KOHHRAN HUNRUAT

INRINNI ZAN (03.05.2014) 
Inkhawm tan hun (Dar 7:00pm)
Tantu : Nl. Lalruatfeli B - 10 
Bial Inkhawmpui Report
Report Petu : Pu R. Lalramchhana      

 SUNDAY SCHOOL (4.05.2014)
Tantu : Pu Lalduhawma, B - 1

PATHIANNI CHAWHNU
Tantu : Tv. K. Zonunmawia, B - 2
Thuchah : Pu C. Zothanmawia   

PATHIANNI ZAN
Thuchah : Upa K. Lalrema

KTP HUN RUAT

 INKHAWM PROGRAMME
(Vengthar Branch Tlawh)
Hruaitu : Pu TBC Roluahpuia, Leader(VT)
Tantu : Nl. F. Lalrinkimi (DK)
Report : Branch pahnih Secretary
Thusawitu : Pu James Vanlalruata,  Inkhawm ban Fellowship
Hruaitu : Tv. Lallawmzuala & Nl.Irene Lalramengi, Fin.Secretary(VT)
Spl. Item :-
Vengthar :  1) Live Band. 2) Duet
Diakkawn :  1) Solo - Nl Lalthasangi
                     2) Short Play
Member te inkhawm vek turin kan inngen a, tlai dar 6:15pm a chhuak thei turin Synod Book Room kawtah innghahkhawm tur a ni.  
FELLOWSHIP
A hmun : Centenary Hall
Hruaitu : Tv. George Zoramsanga(J)
Tantu : Tv Malsawmzuala(J)
Hla Zir : i/c Tv. R. Lallenmawia

DIAKKAWN PASTOR BIAL INKHAWMPUI THUREL

Dt.25 - 27.04.2014 chhung khan College Veng Kohhran Biak Inah Diakkawn Pastor Bial Inkhawmpui nei a ni a, he ta an thurel tlangpui kan hriat awmte kan han tar lang e.
1. Kohhran Upa : Heng Kohhran atangte hian Kohhran Upa thlan dil a ni a, an dil ang hian rem tih sak an ni. a) Diakkawn Kohhran - 3, b) New Diakkawn Kohhran - 4, c) Vengthar Kohhran - 4.
2) Presbytery huap a Kohhran Pavalai Pawl Meet nei rawtna  chu pawm niin, Presbytery Inkhawmpuia kal zel tur a tih a ni.
3) Bial chhunga Kohhran hrang hrang Committee member te pualin Kohhran enkawl leh Kalphung zirhona(Seminar) neih tura rel a ni.
4) Bial Huapa Finance Campaign neih tur a ni dawn a, ruahmanna lo siam turin Bial Standing Committee ruat an ni.
5) Kolasib ah Family Guidance and Counselling Center dah rawtna chu pawm niin, Presbytery Inkhawmpuia kal zel tura tih a ni.
6) Kan Kohhranin Nausen(Hlamzuih) thi vui chungchanga dan thar a siam hi kan bial chhunga NGO hruaitute sawipui tur a rel a ni.
7) Kohhran Pavalai Pawl Flag/Emblem neih ni rawh se tih chu pawm niin Presbytery Inkhawmpui a kal zel tura tih a ni.
8) Sual dona kawnga nasa zawka synod in hmala tura rawtna chu pawm niin Presbytery a kal zel tura tih a ni.
9) Kum 2015 Bial Inkhawmpui Khuangpuilam Kohhran Biak Inah neih tur a ni a, a hun atan Dt.24-26.04.2015 ruat a ni. Thupui atan ‘Krista Lokal Lehna’ I Thes 4:16 a ni ang.
10) Kun 2014-2017 Bial Sunday School Secretaries turin Pu Lalrinzuala, College Veng leh Tv. Lalliansanga, New Diakkawn te ruat an ni.
11) Kum 2014-2015 Bial buhfaitham ziaktu turin Pi Vanlalhruaii, Khuangpuilam ruat a ni.
12) Kum 2014 Presbytery Inkhawmpuia Bial KTP Palai turin Pu Raymond Lalnunsiama, College Veng leh Tv Lalthafala, New Diakkawn te ruat an ni.
13) Kum 2015 Bial Inkhawmpui Puipa turte -
a) Chairman : Upa R. Lalduhawma,Diakkawn
b) Secretary : Upa Darrobuamnga(Sr) & Upa H. Lalremliana(Jr)
c) Treasurer : Upa Rosiamliana,College Veng
d) Fin. Secretary : Upa Lalrinmawia Ngente, Diakkawn

ENGE?

- Lalhlimpuia Renthlei 

Zawhna hrilhfiah har tak hi khawvel changkanna leh thiamna thangchho zelah hian thangtharte hian an ngah tawh hle a, an duhna tak hi chhan fuh a har khawp mai. An zawhna tam ber a lang thin chu thupui a kan thailan ang deuh hian 'enge', 'tunge', 'engvangnge' tih hi a ni deuh tlangpui a. Tunlai khawvel hi thangtharte tan chuan 'zawhna (question) khawvel' ti ila kan sawi sual tam lo mai thei e. Hei hian Kristianna (rinna) lamah pawh nghawng a nei thui thei khawp mai; thangthar te hian khawvel thilah thiamna hrang hrang an zir chhuah atang hian zawhna an insiamin, Pathian awm rin lohna (atheism) hial chhanna an insiam chawk thin a ni, a chhan ber ni anga lang chu an zawhna a awm thin 'enge' tihlai tak fiah taka chhansak theitu an tawn loh vangte leh zirtirna dik lo an tawn vangte pawh a ni thei hial ang. Hrilhfiah har tak ni mahse Pathian thu behchhanin zawhna a awm thin 'Enge' tih hi han sawiin han chhang ve dawn ila.

1. Khawvel leh van boruak zau tak hi tu siam nge?  Genesis bung1-ah chuan khawvel leh boruak zau tak hi Pathian siam a ni tih kan hmu a, Bible-a a inziahdan hi pawm mai a that laiin, a aia zau zawk leh chiang zawk kan duh thinna hian thangtharte rilru a tibuai fo thin a ni. Pathian thu rin mai chu awi loin a siamtu ni awm fahranin van boruak chu sawi loh khawvel pawh la dai chhuak kim lo Scientist te hian dik ni awm fahran hian an rinthuin van boruak (universe) lo insiam dan chu Big Bang theory hmangin a ni an ti a. Big bang theory hi lo dik pawh ni ta reng se he big bang lo awmna atan a pawimawh tak mai thil nawi tete (dust particle) te kha siamtu awm loin a awm ngawt thei dawn em ni? A nih loh leh big bang a awm  hnua leilung leh arsi te mumal taka an kawng leh awmna hmun an neihte hi siamtu a awm loh chuan thil awm thei a ni dawn em ni? Siamtu awm lo chuan thil awm thei a ni lo. Chuvangin, leilung leh van boruak zau tak hi Bible in a sawi angin Pathian siam a ni tih rin mai hi a tha.