Bial KTP Drama intihsiak

Karleh Ni 19th-20th (Ningani leh Zirtawpni)khian Diakkawn Pastor Bial KTP Drama intihsiak chu Diakkawn Kohhran Jubilee Hall ah neih a ni dawn a, tin, ni 21st-22nd (Inrinni leh Pathianni) khian Vengthar Kohhran Biakin ah Bial KTP Meet neih a ni bawk ang.
    Bial KTP Drama intihsiak Programme:
 A hun               : Dt. 19th-20th June 2014 Zan 7:00
 A hmun            : Diakkawn Kohhran Jubilee Hall   
 Comperes        : Tv. Lalliansanga, New Diakkawn leh Nl. Ruth Lalruatkimi, Diakkawn.
 Competition Hawnna    : Pro Pastor Vanlalchhuanga
 Drama Theme        : KTP thiltum lam hawi
 Duration           : 30-40 Mins.
 Endiktu             : Upa H. Lalremliana, Diakkawn,
                           Upa R. Lalramhluna, New Diakkawn.
                           Upa C. Vanlalzawma, Venglai.
    Branch hrang hrangte drama chan hun leh chan dan tur indawt:
 Dt. 19th June 2014 zan dar 7:00:
     1. Khuangpuilam Branch.
     2. Vengthar Branch. 
     3. New Diakkawn Branch.
 Special Items:
     1. Diakkawn Branch Committee Zaipawl
     2. Female Voice, College Veng.
 Dt. 20th June 2014 zan dar 7:00
     1. Diakkawn Branch 
     2. College Veng Branch
 Special Items:
     1. Nl. B. Chanchinmawii, Khuangpuilam Branch
     2. Male Voice, Vengthar Branch
     3. Trio, New Diakkawn Branch
LAWMMAN:
            1st                  3,000.00
            2nd                 2,500.00
            3rd                 2,000.00
            4rd & 5th        1,000.00
    Drama changtute kan tihbuai loh zawk nan bial Committee remruatna angin Cameramen hran hman a ni dawn a, chuvang chuan midang tan thla la a, lo vei buai ve sek a remchang dawn lova, thlalak hi duh kan awm anih chuan mahni Branch hruaitute hnen lamah ngaihven mai tur a ni ang.

KOHHRAN HUN RUAT

Inrinni zan (14.06.2014) 
Inkhawm tan hun (Dar 7:15 pm)
Tantu        : Pi Khawmkimi B-3
Thutawi    : Pu H.Darliana

SUNDAY SCHOOL(15.06.2014)
Tantu    : Pi Lalbiakzuali B-4
  
PATHIANNI CHAWHNU
Tantu     : Pi Sanghnuni B-5
Thuchah     : Tv. R.Lalruata

PATHIANNI ZAN (RUALBANLOTE NI)
Thupui    : Rualbanlote hmangaih    
 Sawitu    : Upa Lalchuangkima Tochhawng (Social Front Committee Chairman)
Thilpek hlantu    : Upa H.Lalremliana (Kohhran Committee Chairman)
Zaipawl    : Kohhran Zaipawl

KTP hun ruat

 INKHAWM PROGRAMME
Ahun       : Dt.16.06.2014(Dar 7:15 PM)
Ahmun    : Biak In
Hruaitu    : Tv. Lalthakima, Comt
Tantu       : Pu Rohlupuia(M)
Thuchah    : Tv. Nicky VL Rindika, Comt
Male Voice : Tv. Lalrinmawia, Convener
              Pu LP Lalramhluna
             Tv. K. Zonunmawia
             Tv. C. Lalngaihzuala
             Tv. Joel Lalrinchhana
             Tv. Joseph Lalnunzira

FELLOWSHIP
A hmun    : Centenary Hall
Hruaitu    : Nl. Vanrammawii(M)
Tantu     : Nl. Lalhmangaihzuali(M)  

Kristian te tihtur

 Rosy Lalchhanhimi

    Kristian kan inti theuh a, tamtakte chu a hminga kristian inti te hi kan va tam tehlul em. Kristian kan nih chuan tihtur tam tak kan nei a ni tih i hre thar leh ang u.
    A hmasa berah chuan rawngbawl hi kristian te tih tur a ni. Rawngbawl kan tih hian Pathian thu hrila ramdanga kal tih hi kan rilru ah a lang nghal thin a, mahse hemi chauh hi rawngbawlna a ni lova, rawngbawlna hi tamtak a awm a ni. Kohhranah te hian chanvo hrang hrang nei an awm thin a, tantu, hruaitu, thuchah sawitu, khuangpu, Usher te, a dang tamtak pawimawh em em a la awm. Hen’g te hi rawngbawlna vek a ni a, heng te hi thahnemngaitakin, chanvo min pek angte hi kan tihlawhtling a nih chuan rawng kan bawl tihna a ni a, chuvang chuan he’ng chanvo kan neihte hi ngai pawimawh theuh ang u.
    Kristiante chuan inkhawm hi kan ngai pawimawh tur a ni a, kan thurin pawhin “Ringtu tihtur chu kohhran inpawlho na-a tel te” tiin min hrilh a, ringtute chuan khua a chhiat in emaw a thatin emaw inkhawm hi kan inthlahdah tur a ni lo.
    A hma  chuan Bible hi chhiar turin in tinah hian a awm ngailova, a nei pawh tlemte chauh anni thin. Mahse, tunah chuan intinah chhungkaw member zat aia tam neite pawh kan awm thluah tawh a, ka rilru mai mai in “Heti khawpa kan ngah tak avang hian emni a chhiar lam hi kan peih tak loh le?” te ka ti a, ringtu kan nih chuan Bible te pawh hi a tam thei ang ber kan chhiar tur a ni dawn lawmni?

   Lehkhabu tamtak, thlatin chhuak te, Kartin leh nitin chhuak te pawh a niange. He’ngte hi chu nitin kan chhiar peih a, thawnthubu te pawh kan chhiar ziah a, engatinge kan Bible hi Pathian thu a nih avanga ringtu inti te pawh hian kan chhiar peih loh le? A chhiar thin chu tlemte anni a, thenkhat te phei chuan inkhawm turin kan insiam a, kan nalh em em mahse kan kim lo thin. A chhan chu, Bible zangte pawh kan keng peih lo thin a, a chhiar chu sawi loh, a ken pawh kan ken peih loh chuan kan  ringtu nihna hi a tichhia ang tih a hlauhawm.
    A tawp berah chuan, tawngtai hi i uar thar leh ang u. Tawngtaina hian thil a tithei em em a, kan hre vek anga, mahse tawngtai kan tih hian thil dil ngawr ngawr nilovin lawmthu te pawh kan sawi tur a ni. Mahni pawh kan inhlan nawn fo tur a ni. Kan Kohhran ah pawh hian tamtak biakin thleng ngei a tawngtai thinte kan awm hi a lawmawm hle a ni. Kan inhre theuh ang a, he kan thiltih pawh hi rawngbawlna vek a ni. Tam tak chuan biakin thleng kher kan ti pawh a ni thei e. Camping a lut te chuan kan hria ang a, tih kher kher na hi a tha a ni tih kha. Chuvang chuan Biakin thleng ngei a tawngtai hi a hlu a, chhunzawm tlak tak a ni a, he rawngbawlna hi a tithin te leh ti lo te pawhin ti zel turin kan insawm in kan in ngen a ni.

Gharwal Mission rawngbawlna

Pu Zoremmawia(Puia). Haldapani, Gopeshwar; Chamoli District.

  

  A hmasa in tholeh Isua Krista hmingin ka rawngbawlpuite chibai ka buk a che u. Pathian awmpuina leh hruaina a zarah kan rawngbawlna pawhin hma a sawn ve zel a, kan rawngbawlpui ka thalaipuite’n bang lova min tawngtaipuina rah liau liau a ni tih ka hria a, inchungah pawh lawmthu ka sawi takzet zet a ni.
    Sikul lam rawngbawlna: Sikul lam rawngbawlna pawh Pathian zarah tluangtakin kan kal chho ve zel a. New Session hi 1st April 2014 khan kan tan a.Tunah hian thawktu Mizo panga kan awm mek a, a rammi hi 10 kan nei mek bawk. Class tan hmain devotion kan nei thin a, devotion ah hian Pathian thu leh hla te sa a sawirualna hun kan nei thin a. Tin, hemi hnu hian staff devotion kan nei leh thin. Hetah hian Bible kan inchhiar chhawk thin a, kan devotion hi tawngtainain kan khar thin a ni. Tun dinhmunah zirlai naupang hi 210 kan nei mek.
    Evangelism lam rawngbawlna: Tunah hian direct evangelist Mizo pakhat leh a rammi pasarih kan nei mek bawk. Kan evangelist te hian district pahnih Chamoli district leh Rudraprayag district ah insemdarh in hma an la mek a ni. Tuna kan evangelist rawih lai hian Hindi Bible School ah Pathian thu a zir mek a. Tichuan ani hian a zirzawh ah hian Pathianin rem a tih chuan mi pahnih zir ve leh turin an in buatsaih leh mek bawk. Tun kumthar January to May 2014 chhung khan Pathian hruaina a zarah Baptisma chang ringthar pawh mi pakua lai kan nei ve leh thei a, kan lawm hle a ni.
   House Church rawngbawlna: House Church hi engemawchen chu hmunhnih ah kan kalpui reng a. Ni 11.05.2014 khan Kunj pochni ah kan hawn belh leh a. Tichuan tunah hian house church hi hmun thumah kan nei ve ta a ni.
   Children Ministry: Children Ministry pawh hmun khat ah chauh neih thin a ni a, kan evangelist-te hmalaknain hmun hnih ah kan hawn belh leh a, Children Ministry pawh tunah chuan hmun thumah kan nei thei ta.
    Fellowship: Pathianni chawhma dar 11 ah inkhawmna kan neih thin a, member kal tam chang leh kal tlem chang kan nei thin. Chawhnu lam dar khat ah Mizo bik inkhawmna kan nei leh thin a ni. Tin, Thawhlehni tlai leh Ningani tlai ah tawngtai rual leh sharing hun kan nei leh thin a. Ningani tlai hian chaw ngheiin, kan ei ai te kengkhawmin kan tawngtai thin a, kan ei ai kenkhawm te hi mi harsa te tanpuinan kan hmang thin a ni.