-Upa Ralliantawna
1. Naupangte Lal Isua hnena hruaitu: Naupangte hian anmahni tawkin Lal Isua rindan an la thiam mai lo, Lal Isua chanchin an la hre tam lo. Jersalem nute pawh khan an fate Lal Isua hnenah an hruai ni awm tak a ni, an chungah kut nghatin mal a lo sawm tih thu Bible ah kan hmu. Naupangte hmangaihtu leh chhandam an nih theihnana nun hlantu a nih thute zirtirin Lal Isua zuitu rinawm tak an lo ni thei a ni.
2. Zirlaite ngaihsak: Zirlaite ngaihsak hi zirtirtute mawhphurhna a ni. “I beram rualte awmdan chu hriat tumin taihmak chhuah la, i ranrualte chu vengtha rawh.’(Thuf 27:)I naupangte kha chhungkaw eng anga khwsa nge an nih, engatinge Sunday School a lo kal loh? An pa te Zu in mi an ni em? Thawmhnaw tha an neih loh avangin thiante zinga awm nuam ti lo an ni em? Nge an hriselna that tawk loh vang zawk? I naupangte chanchin hi hriat tumin ngaihsak teh.Hei hi i mawhphurhna a ni. An Sunday School rawn inkhawmte hi i lo dawngsawng ngai em?An hmingin i ko thei em? Zakzum leh rilru dawih tak te pawh an lo awm thei. Thutna tha chang mang lote pawhin a awm theih. Sunday School hi naupang ten nuam an tih theihnan enkawl leh venthat hi zirtir tumawhphurhna a ni.
3 Zirtirtu tha: A bu en lova Zirtir theih leh ngaihnawm taka thawnthu hrilh anga zirtirte, lesson plan tha tak nena inbuatsaih a tha. Naupangten zirlai an hriatthiam leh fiah zawk theihnan tehkhin thu tawi fel taka siam thin pawh a tha. Muthlu leh ninhlei deuhte pawh hi hau mai lovin, an chhan theih ngei tur zawhna mawlte han zawt ila, fak zui bawk ila, zirtirtute min nel duh.
4.Pawn lamah: Khawlaiah leh bazar hmun thleng pawhin kan naupang te chu ta neih thiam ila. An damlo em? An nu leh pate an dam em? Eng nge an tih thin? Heng zawhna mawlte te hi a remchan angin zawt ila, zirtirten kan hria tih an hre ringawt pawh hi naupang tan chuan lawmawm tak a ni.
5. Tawngtai: Class lak dawnah chauh ni lo, finrial tawngtainaah pawh kan naupangte tawngtaisak thin a tha. Chhandamna changtu an lo nih theihnante, thianghlim taka an nun an hman theihnan leh sual tur thlemna leh mi sual laka an him theihnan, Kohhran leh ram leh hnam tana mi tha leh rinawm an nih theihnan.
6. Sunday School tha din: Sunday School tha hi sawrkar emaw Synod puipaten emaw min rawn dinsak dawn lo. Keimahni a chhunga thawktute mawhphurhna a ni. A tichhe theihtu pawh a chhunga thawkte bawk kan ni. Chuvangin Zawlnei Isaian, “Nang chu, a chhe lai siamthatu, mi awmna tura kawngte siam thatu an ti ang che” a ti.
A tawp berah chuan hei hi hrereng ang u. Sunday School hi sikul a zawnga sikul tha ber, a lut turin mi hausa leh retheih inkar daidangtu a awm lo. A duh apiang tan a ni. MSSU zawmna lah kan kan pek ngai lovin Kohhranin min peksak vek. Zirlaibu leh Exercise, pencil engmah lei a ngai lo. Khawvela ral leh mai tur finna zirin sum leh pai tam tak kan seng a. Sunday School zirlai erawh zawng he khawvela ral leh mai tur a ni ve lo. Chatuana nung reng tur a ni. Chu Sikula zirtirtu chu Lalpa ngaihin mi ropui an ni.
2. Zirlaite ngaihsak: Zirlaite ngaihsak hi zirtirtute mawhphurhna a ni. “I beram rualte awmdan chu hriat tumin taihmak chhuah la, i ranrualte chu vengtha rawh.’(Thuf 27:)I naupangte kha chhungkaw eng anga khwsa nge an nih, engatinge Sunday School a lo kal loh? An pa te Zu in mi an ni em? Thawmhnaw tha an neih loh avangin thiante zinga awm nuam ti lo an ni em? Nge an hriselna that tawk loh vang zawk? I naupangte chanchin hi hriat tumin ngaihsak teh.Hei hi i mawhphurhna a ni. An Sunday School rawn inkhawmte hi i lo dawngsawng ngai em?An hmingin i ko thei em? Zakzum leh rilru dawih tak te pawh an lo awm thei. Thutna tha chang mang lote pawhin a awm theih. Sunday School hi naupang ten nuam an tih theihnan enkawl leh venthat hi zirtir tumawhphurhna a ni.
3 Zirtirtu tha: A bu en lova Zirtir theih leh ngaihnawm taka thawnthu hrilh anga zirtirte, lesson plan tha tak nena inbuatsaih a tha. Naupangten zirlai an hriatthiam leh fiah zawk theihnan tehkhin thu tawi fel taka siam thin pawh a tha. Muthlu leh ninhlei deuhte pawh hi hau mai lovin, an chhan theih ngei tur zawhna mawlte han zawt ila, fak zui bawk ila, zirtirtute min nel duh.
4.Pawn lamah: Khawlaiah leh bazar hmun thleng pawhin kan naupang te chu ta neih thiam ila. An damlo em? An nu leh pate an dam em? Eng nge an tih thin? Heng zawhna mawlte te hi a remchan angin zawt ila, zirtirten kan hria tih an hre ringawt pawh hi naupang tan chuan lawmawm tak a ni.
5. Tawngtai: Class lak dawnah chauh ni lo, finrial tawngtainaah pawh kan naupangte tawngtaisak thin a tha. Chhandamna changtu an lo nih theihnante, thianghlim taka an nun an hman theihnan leh sual tur thlemna leh mi sual laka an him theihnan, Kohhran leh ram leh hnam tana mi tha leh rinawm an nih theihnan.
6. Sunday School tha din: Sunday School tha hi sawrkar emaw Synod puipaten emaw min rawn dinsak dawn lo. Keimahni a chhunga thawktute mawhphurhna a ni. A tichhe theihtu pawh a chhunga thawkte bawk kan ni. Chuvangin Zawlnei Isaian, “Nang chu, a chhe lai siamthatu, mi awmna tura kawngte siam thatu an ti ang che” a ti.
A tawp berah chuan hei hi hrereng ang u. Sunday School hi sikul a zawnga sikul tha ber, a lut turin mi hausa leh retheih inkar daidangtu a awm lo. A duh apiang tan a ni. MSSU zawmna lah kan kan pek ngai lovin Kohhranin min peksak vek. Zirlaibu leh Exercise, pencil engmah lei a ngai lo. Khawvela ral leh mai tur finna zirin sum leh pai tam tak kan seng a. Sunday School zirlai erawh zawng he khawvela ral leh mai tur a ni ve lo. Chatuana nung reng tur a ni. Chu Sikula zirtirtu chu Lalpa ngaihin mi ropui an ni.
