BIAL KOHHRAN HMEICHHE INKHAWMPUI PROGRAMME

    Diakkawn Pastor Bial Kohhran Hmeichhe inkhawmpui vawi 28 na chu hman mek a  ni a, Inrinni zan atanga Pathianni zan thleng Programme hetiang hi a ni.
    A hmun      : Vengthar Kohhran Biak in
    A hun         : Dt. 6th-8th February, 2015
    Thupui        : ‘A chhe lai Siamthatu’ (Isaia 58:12)
    Speaker     : Pastor R. Lalremruata, Bialtu Pastor 

7.2.2015-
10:00 AM: INKHAWMPUI COMMITTEE LEH INTHLANNA
 Inrinni             6:30 PM - Pathian Biak Inkhawm
            Tantu                        : Pi Lalramhluni, Khuangpuilam
            Thupui I na Sawitu    : Pastor R. Lalremruata, Speaker   
            Zaipawl        : College veng Kohhran Hmeichhia
                                  Diakkawn Kohhran Hmeichhia
                                  Khuangpuilam Kohhran zaipawl
8.22015 (Pathianni) 10:00 AM - Pathian Biak Inkhawm
            Tantu                         : Pi Lalhluni, New Diakkawn
            Kristian Chhungkaw Trophy hlanna
            Hlantu                        : Pi Lalkungi, Vengthar
            Thupui II na Sawitu    : Pastor R. Lalremruata
            Zaipawl                      : Vengthar Kohhran Zaipawl
                          Vengthar Kohhran Hmeichhia
1:30 PM                                : Lalpa Zanriah Sacrament
            Thehtu                       : Pastor R. Lalremruata, Bialtu
            Zaipawl                     : Bial Zaipawl
                          New Diakkawn Kohhran Hmeichhia
6:30 PM         Pathian Biak Inkhawm
            Intihsiak lawmman hlanna
            Hlantu                         : Pro.Pastor Vanlalchhuanga
            Thupui III na Sawitu    : Pastor R. Lalremruata
            Zaipawl                       : Bial Zaipawl
                                                 Diakkawn Kohhran Zaipawl
                                                 College Veng Kohhran Zaipawl       

KTP HUNRUAT

THAWHTAN ZAN INKHAWM
A hun           : Dt.09.02.2015    
A hmun        : Biak In
Hruaitu        :  Tv. David VL Malsawma, Br.Com.
Tantu           : Nl. R. Lalhriatrengi, (Ab)
Thuchah       : Pu David C. Lalremsiama
F.Promise    : Pu RL. Zonunmawia Br.Com

FELLOWSHIP PROGRAMME
A hmun        : Centenary Hall
Hruaitu        : Tv. Casper Lalnunmawia,(J)
Tantu            : Nl. H. Lalhlimpuii, (J)

EMMANUELA KO RAWH

  - Tv. Lalthakima -

     Ziaktu pakhatin, "Pathian thuawih hi a hahthlakin a hrehawm a ni ngawt lo a, hringnun hian thil hrehawm leh hahthlak chu a dai ve hrim hrim a ni zawk," a lo tih ang deuhin; he khawvela kan cham chhung hian mi zawng zawng hian harsatna leh buaina hrang hrang kan tawk thin a, chu chu leilung dan a ni. Kan sual emaw, kan fel emaw; kan rethei emaw, kan hausa emaw he harsatna hian tumah kal kan bik a nei lo a, min hrut rual vek mai a ni. Chutihrual erawh chuan, "Pathian nen chuan engkim tih theih a ni," Lal Isuan a lo tih ang deuh khan, kan buaina leh harsatnate Lal Isua nena kan hmachhawn erawh chuan, 'hahdam tlatna ropui tak mai kan chang thei' tih erawh kan hre theuh awm e.
    Harsatna kan han tawk a, a chang chuan lungngai takin kan han indawm ngawih ngawih a, beisei tur leh chawlhna tur reng reng nei lo ang maiin kan lungngaihna leh kan buaina ringawt kan thlir a, kan phurrit bik ngawih ngawih ni tein kan hre thin. Heti ang hunah hian tam tak chuan kan harsatna leh buaina aia lian zawk, kan buaina zawng zawng min chinfel sak theitu Lalpa lam ngaihtuah nachang kan hre lo fo thin a, a thlawnin kan harsatna leh kan lungngaihnate a luang ral thin. Thenkhat thung chuan kan nun kan han ngaihtuah a, chu'ng kan harsatna leh buainate lo thlen hmaa Pathian lam kan belh tawk lohzia te, kan lo tawngtai fo loh ziate kan han ngaihtuah a, Pathian chu kan hnen atanga hla takah awm bik turah ngaiin, ko eih ve thei dawn lo ni tlatte'n kan inhria a, kan insit a; ko eih thei tur ni a kan ngaihte kan pan ruai thin. 'Zahngaihna kan hmuh theihna turin khawngaihna Lalthutphah chu huai takin i hnaih ang u' ti a Hebrai ziaktu'n min sawm angin, insit chung chung paw'n inti huai luiin, kan Lalpa hming lam thin tur kan ni.
    Kan thupui khi ngaihtuah ila, Lal Isua hi 'Thlarau mi' kan tih thinte hnen chauha 'Pathian awm' tihna a ni lo a, 'Kan hnena Pathian awm tihna(Mat. 1: 22-23)' a ni tawp mai a ni. Thil tha kan tih lai chauhte hian kan hnenah awm ta se emaw, kan rinawm chhung chauhte hian kan hnenah awm ta se, engtinnge Thlarau lam nunah kan din khawchhuah ang a, kan chaknate kan siam thar leh thin theih ang? Chuvangin Bible-in 'Kan hnena Pathian awm' a lo tih ang hian; Pathian kan ngaihsak tawk lo a ni mahna, ruihhlo khawih leh ti thinte pawh kan ni thei e; pan tur leh min tidamtu tur nei lo ang maia indawmkun lovin, harsatna leh buainate kan tawh tikah, 'kan hnenah misualte tana inhawng Lal Isua a awm reng thin' tih i hria ang u. 'LALPA hming chu kulhpui  a ni a, mi fel chu a tlan lut thin a, a him thin(Thuf. 18:10) & 'Tupawh Lalpa hming lam apiang chu an him ang(Tirh. 2:21)' kan Pathian thuin a lo tih angin; 'Pathian khawngaihna leh hmangaihna zau tak chuan mi zawng zawng a rawn huap tawp mai a ni' tih kan hriat a pawimawh. Chutihrual chuan, sual zakkep leh sual paih phal loh nei rana tawngtai lovin; kan tawngtai chhana a awm theih nan Pathian duh loh zawng nia kan hriatte dah / kalsan phal chungin kan tawngtai tur a ni(Sam 66:18). 
    Achang chuan lungngaihna leh buainate kan han tawk a, kan tawngtainate chhanin a awm mai si lo, chuti ang hunah chuan Pathian hla ta riauah ngaihnate pawh a lo awm thei. Heti ang hunahte hian Pathian thu bawkin 'nangma hriatnaah innghat suh' tiin min lo tlan khalh leh a, kan rilrua rawn lut lo ring mai lovin, 'tih ziak a ni' tih lam zawka kan lo innghah fo a pawimawh.
    Dik tak chuan tawngtai chhanna hmuh thuai thuai zo lo tur hi kan tam teh asin. Chhan veleh hla leh nghal mai tur te, ngaihsak lo zui mai tur te, chapo mai tur te, tih takzeta dil kher lo pawha tih liam satliah mai mai pawha hmuh theih emaw ti mai mai turte hi kan tam teh asin. Ringtu tam tak hi kan niin ka hria; kan thil dil chu kan hmuh loh paw'n kan tawngtai tipung khawpa duhna tak tak nei lote kan awm nual mai. Bartimaia'n Lal Isua a auhte khan kan hriat angin Lal Isua'n a lo hre mai si lo, a hriat ngei theih turin a hma ang mai maia au lovin a'n au ring zual sauh a, a duh angin Lal Isua'n a tih sak ta a nih kha. Chutia'ng chuan Zakaiate pawh kha a ni tho mai; kawng dung atangin Lal Isua hmuh a tum a, a hmu thei si lo a, a hmuh theih ngeina turah theipui kungah a'n lawn a, a hmuh duh ngawih ngawih Nazareth Tlangval hmeltha chu a va hmu ta a nih kha.    
    Chutiang chuan kan hmuh duh kan hmuh hma chu 'a la hun lo a nia'ng' ti mai lovin kan tawngtaite hi tipung ve ta ila, au ring zual sauh ila, lawn sang ve hret ila; Lalpa inpuanna ropui tak chu kan chang ngei ang.

KTP HUNRUAT

Thawhtan Zan Inkhawm Programme
A hun        : Dt.2.2.2015    
A hmun     : Biak In
Hruaitu      : Tv. Nicky Vanlalrindika,Comt
Tantu         : Pu Chawngthantluanga,Comt
Thuchah    : Pu Lalthanmawia Ralte 
FELLOWSHIP PROGRAMME
A hmun      : Centenary Hall
Hruaitu      : Nl. F. Lalrinkimi,Comt
Tantu         : Nl. Lalhunthari Pachuau

BRANCH COMMITTEE THU

    Dt.29.01.2015(Ninga zan) khan Kohhran Committee Room-ah KTP Branch Committee neih a ni a, heta an thurel tlangpui kan hriat turte kan han tarlang e.
 1. Sum dinhmun :
        Opening Balance             : Rs 67,065.00
        Hmuh zawngzawng          : Rs 40,904.00
        Total                               : Rs 1,07,969.00
2. Faith Promise : Faith Promise January thlaa lut zat Rs 21,170.00. Kumin hian member 547 in Faith Promise an intiam tawh a, kum a intiam zat hi member 86 niin member 462 in thla tina pe turin an intiam a ni.
3. Budget Estimate : Kum 2015 a KTP budget atan Rs 62700.00 pawm ani a, nikum aia a punna hi 2.4% a ni.
4. Cultural Dance : Kumin chhunga Group inelna atana kan neih te zinga pakhat Cultural dance chung chang sawiho a ni a, mizoin hnam lam kan neih zinga eng lam pawh Group ten an duh ber thlangin zir tur a ni.
5. KTP Day : KTP Day 2015 chu ni 16th February(Thawhtan zan) ah hman tur a ni dawn a, hetiang hian thawhtan zan bik programme siam a ni.
            A hmun                 : Diamond Jubilee Hall
            Hruaitu                 : Tv. Lalremngheta Chawngtu, Asst. Leader
            Tantu                     : Nl. Vanrammawii
            Thutawi                : Pu Lalhmachhuana, Leader
            Spl. Items             : 1) Female Voice i/c Pu David C. Lalremsiama
                              2) Branch OB Live Band
                              (Technician : Pu David C .Lalremsiama leh Tv. R. Lallenmawia)
                              3) Slide Show : i/c Entertainment & Documentation Sub-Committee
            Banner                 : Banner Sub-Committee
            Refreshment             : Refreshment Sub-Committee
6) Bial Committee : Kum 2015 chhunga kan branch aiawha Bial Committee member turin heng mite hi kan ruat.
 1) Tv. Ramngaihzuala        2) Pu K. Lalrosanga, Branch Secretary     3) Nl. Ruth Lalruatkimi.
7) Sub-Committee : a) Programmee Sub-Committee: Member turin heng mite hi ruat belh an ni.
 1) Pu Lalzamlova Pachuau    2) Tv. David VL. Malsawma    3) Tv. Joel Lalrinchhana     4) Nl. Ruth Lalruatkimi
 b) Evangelical Sub-Committee: Member turin heng mite hi ruat belh an ni.
 1) Tv. Lalliankima         2) Tv. Michael VL.Sangliana         3) Nl. R. Zonunsiami.                         Evangelical Sub-Committee te hian member hlate pualin One Day Basketball butsaih an tum a, he mi pual hian Rs 2000.00 hman an dil chu remtih sak an ni. Tin, thawhtan zan hmasa ber inkhawm leh fellowship tawngtai thupui nghet turin hengte hi thlan a ni - a) Missionary & Member hla pual b) Member hmun danga(Zirna leh Eizawnna) awmbo te pual c) Ruihhlo ngai leh zuartute pual.
 c) Entertainment & Documentation Sub-Committee: Member turin heng mite hi ruat belh an ni
 1) Pu David C. Lalremsiama     2) Tv. Samuel Lalremruata      3) Tv. Casper Lalnunmawia       4) Tv. H.F. Laltanpuia         5) Tv. Andrew Laltlankima     6) Tv. Robin Lalsangkima     7) Nl. K. Zorampari          8) Nl. R. Lalhriatrengi      9) Nl. Rebek Lalsiamthari.
 d) Marturia Editorial Board:
 1) Thuziak tha pathum lawmman pek tum a ni a, hetiang in: Rs 1000.00, Rs 700.00 Rs 500.00
 2) Marturia a thuziak hnem ber hnenah lawmman Rs 1000.00 pek tum a ni.
 3) Marturia semtu tha hnenah lawmman Rs 1500.00 pek tum a ni.

LAL ISUA LO KAL DAWN A THIL LO THLENG TUR

                                                                        - Tv. Lalthakima-
    Lal Isua rorel tura A lo kal lehna tur hi thil pawimawh tawpkhawk; hmangaihtu leh hmangaihte pawh kan inthen hun tur, sumdawngtu'n a sum zawng zawng a kalsan hun tur, lo neitu pawhin a thawhrimna a chawlhsan hun tawh tur; mi zawng zawng kan nih tur ang ang kan nih hun tur leh kan pan tur lam lam kan pan hun tur a nih tawh dawn avangin Amah pawh khan A ngai pawimawh hle a, kan inrinlawk theuh theih nan A lo kal dawn hnaiha thil thleng tur tam tak min hrilh lawk a nih kha. Tin, Thuthlung Hlui lamah Amosa leh zawlnei dangte hnenah leh, Thuthlung Thar lamah pawh mihringte hnena sawithian lohte nen lama A hriattir Paula hnenah te pawh A lo sawi bawk a. Tun tumah hian chu'ng hun tawp dawn hnaiha thil thleng turte chu i'n bih chiang teh ang.
    1. A hmasa berah chuan Lal Isua ngeiin A sawite kha kan hriat angin tunah hian kan tawng chho mek zel tih kan hria a; "Chung zawng zawng chu in hmuh hun chuan Amah chu A lo hnai tawh a, 'Kawngka bul ngeiah A awm' tih hria ang che u," ti mah se heng kan thil tawn mekte hian Lal Isua lo kal lehna tur hi min ngaihtuah chhuahtir zo mang lovin News Item pakhat ve lek-ah kan ngai tawh em aw… a tih theih. Indo thuthang te, hri len thu te han hria ila, 'Kan Khawvel hi chu a va'n chhe tawh tak em' te kan tilek fang tawh niin a lang, hei hi eng nge a chhan ni ang?         A chhan ni thei awmte : Pathian duhdan pawh ngaihtuah hauh lovin naktuk maia thil thleng tur pawh hre hauh lote hian rual pawl loh hlau reng rengin thil tam tak ruahman leh tum kan ngah lutuk a, hengte hian Lal Isua lo kal lehna hi min ngaihtuahtir thei lo a ni angem? Tin, kan banphak lek leka tawrh tur leh chan tur awmte hi kan sitin kan palzam anga, chuti anga Krista tana hrehawm leh tawrh nei lo na na na chuan 'Lal Isua lo kal leh hun tur te hi min nghahhlelhtir thei lo a ni angem' tihte pawh ngaihtuah theih tak a ni. Kan pawh(nel) lohte ai chuan kan pawh takte chu an bula awm pawh a nuam kan tiin kan thlahlel thin. Chuti ang deuh chuan Lal Isua kan thlahlel lo lutuk te hi kan inpawh tha tawk lote pawh a ni thei angem. Eng pawh nise mahni theuh infiah ila; thenkhatin, "A hmun ropui a mawina zawng aiin, Hmangaihtu Lal Krista hmel duhawm chu," tia an thlakhlelhzia an au chhuahpui lai a, A lo kal hun tur nghahhlelhna kan nei miah lo a nih chuan kan inenfiah a ngai ngei ang.
    2. Tluksanna(II Thes. 2:3): "Tluksanna chu a lo thlen hmasak zeta Dan Bawhchhepa, boral fapa chu a lo lan hmasak zet loh zawng chumi Ni chu a lo thleng dawn si lo va..." Hei hi Lal Isua lo kal dawn hnaiha thil thleng turah chuan thil pawi tak a ni. Paula sawi ang ngei hian he Tluksanna hian min chiah nasa tawh hle a; a pawina em em chu mi nupui kan then thei lo a, kan nupuite chauh kan then thei ang deuh hian Muslim te, Hindu te, Buddhist-hote'n Lal Isua an tluksan thei lo a, Kristiante ngeiina Krista kan tluksan tur hi a ni.
    Tunah hian khawvel hmun hrang hranga Kristiante nundan hi han thlir ila; Pathian lam ngaihsak lohna te, Pathian Thlarau lam thil ninna leh ngaihtuah peih lohnate a leng nasa tawh hle! Tin, thlarau lam thil ngai pawimawh lo leh ning ta na na na chuan rawngbawltute ngaihsanna leh ngaihhlutnate pawh kan nei tawh mang lo a. Kan hriat angin khawthlang lamah phei chuan hetia'ng laia kan ngaihsak loh piahlamah hian sakhaw danga inlet te, biak inte thlenga han hralh ta mai te pawh an tam hle a ni.
    3. Pathian Thua Tam(Famine): "Lalpa PATHIAN thu chhuak chuan, 'Ngai teh u, nite chu a lo thleng mek a ni; chung niahte chuan ramah chuan tam ka tir ang a, chaw tamna ni lovin, LALPA thu hriatna tamna zawk chu. Tin, tuifinriat atangin tuifinriatah leh hmar atangin chhakah pawh an vakvai ang a; Lalpa thu chu zawng turin kil tinah an tlan ang a, an hmu lovang. Chumi niah chuan nula leh tlangvalte meuh pawh tuihalin an thi dang ang (Amosa 8:11-13)." Pianthar duh deuh, Camp-te pawh lut ve fo, piangthar hleithei lote i tawng tawh em? That duh deuh, Pathian duh ang taka lang; mahse an duh ang hmu zo si lote i tawng ve tawh em? He Pathian thu hriatna tamah hian kan lut mek a ni lo maw...
    Lota-te aiin vantirhkohte an hmanhmawh zawk ang khan Pathian thu lo thleng tur hriaa a him tur tur hi an hmanhmawh a, a him lo tur tur hian an ngaihsak lovin an hmanhmawh lo emaw tih mai tur a ni. Rei lo te achinah Ani chu rorel turin A lo kal tawh dawn si a, rei A rial tawh lovang. Chuvangin hun lawmawmah min ngaihthlak lai leh chhandamna nia min tanpui mek lai hian; kan felna, kan thatna, kan thianghlimna awmchhun Lal Isua Krista tan kan thinlung i hawn theuh ang u.

KUM 2015 A KTP GROUP HRUAITU TURTE

ABRAHAMA GROUP
Leader                          : Tv. Jimmy MS Dawngliana
Asst. Leader                 : Tv. Joseph Lalnunzira
Secretary                      : Tv. Michael VL. Sangliana
Asst. Secretary             : Tv. Andrew Laltlankima
Treasurer                      : Nl. Moreen Zonunmawii
Fin. Secretary                : Nl. R. Lalhriatrengi
Branch Represantative   : Pu James Vanlalruata
ISAKA GROUP
Leader                          : Tv. Chawnglungmuana
Asst. Leader                 : Tv. K. Zonunmawia
Secretary                      : Tv. David VL. Malsawma
Asst. Secretary             : Pu Richard Lalchhanchhuaha
Treasurer                      : Nl. VL. Hriatrengi Khiangte
Fin. Secretary               : Nl. Vanrammawii
Branch Represantative  : Pu Lalthanmawia Ralte
JACOB-A GROUP
Leader                          : Tv. Lalthakima
Asst. Leader                 : Tv. C. Lalngaihzuala
Secretary                      : Tv. HF. Laltanpuia
Asst. Secretary              : Nl. Jenny Hmingthanfawni
Treasurer                       : Nl. K. Lalnunhlimi
Fin. Secretary                : Nl. Rebek Lalsiamthari
Branch Represantative   : Tv. Lalremngheta Chawngthu
JOSEPHA GROUP
Leader                          : Tv. R. Laltanpuia
Asst. Leader                 : Pu Chawngthantluanga
Secretary                      : Tv. Joel Lalrinchhana
Asst. Secretary             : Tv. Casper Lalnunmawia
Treasurer                      : Nl. R. Vanlaltanpuii
Fin. Secretary               : Nl. R. Zonunsiami
Branch Represantative  : Tv. Lallawmzuala