NILAI THUPUI - SAWIHO TUR

- Lalthakima -

    Nilai thupui kumina kan zirte hi a tha thei hlawm hle mai. Sawiho tura chhawpchhuahte pawh hi han sawi chakawm tak tak a ni hlawm. Chutih rual chuan kohhran mipui hmaa han sawizau hi kan hreh tlang thin a ni ang kan hriat angin sawi erawh kan tlem thei hle thung. Tun tumah hian kar hmasa Nilai zan a 'Thatna' tih  hmanga thupui kan zira sawiho turte kha i han sawi zau  teh ang.
    Sawiho tur 1-na kha 'Ringtute hi Thlarau Thianghlim tanpuinaa thil tha ti thei leh ti tur kan nihzia han sawi teh u' tih a ni a. Thil pahnih sawiho tur he thu(sentence)-ah hian kan hmu a, hlawm hnihin han sawi ila.

 1)Ringtute hi Thlarau Thianghlim tanpuinaa thil tha ti thei kan nihzia :

    Lal Isuan vana a lawn dawn khan a zirtirte hnenah, "Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis ula, thu ka pek zawng zawng che u pawm turin zirtir rawh u," tiin  thupek pawimawh leh ropui tak a sawi a. Mahse a ropuia a pawimawh tehlul nen Luka 24:49 kan chhiar chuan, "Chunglam ata thiltihtheihnaa an thuam hma loh che u zawng khawpuiah hian awm reng rawh u," tiin a chelh leh tlat thung. A thupek a pawimawh viau rualin Lal Isua khan chunglam ata thiltihtheihnaa thuam an nih loh chuan rawng an lo va bawl kha eng a ni dawn lo tih a hre chiang a, va hlawhchham turin lo va bawl buai lo turin a chelh a ni ngei ang. Tin, Tirhkohte thiltihah hian 'Thlarau Thianghlim a lo thlen hunah thiltihtheihna in la nei ang' tih kan hmu bawk. Heta tang ngawt pawh hian ringtute chu Thlarau Thianghlim tanpuinaa thil tha ti thei kan nihzia a lang chiang hle a ni.
    Chutiang chu kan dinhmun a nih avangin kan hma zawna Krista avanga tihtur hrang hrang awmte chu kan ti thei a ni. 'Mihring kan la nih chhung chuan kan famkim thei lo a' han tih liam fo maite hi ringtute tihtur a ni ber lo tih kan hriat a tha. Famkim chu kan famkim thei lo ngei ang; mahse thil tha lo kan chin thinte sawi mawi nana famkim theih loh tih thu hman fo erawh thil dik ber a ni lo mai ni lovin Setana lawm zawng a ni ngei ang. 'Lal Isua nen chuan ka ti thei ang' tih rilru puin nitin a hma aiin i mawi zual deuh deuh zel ang u. Chutih rual chuan Lalpa aw ngaichang chunga zawi te tea kan kal loh chuan 'Thlarau Thianghlim thiltihtheihna ka chang' ti ringawt mah ila kan hlawhchham fo ang tih erawh hre tel ila. Peng chu Grep hruia a awm reng loh chuan a rah thei lo angin Grep hrui Lal Isuaah (Thlarauah) kan awm tlat a pawimawh a ni.
 2)Ringtute hi Thlarau Thianghlim tanpuinaa thil tha ti tur kan nihzia :
    Ringtute hi Thlarau Thianghlim tanpuinaa thil tha ti thei kan nihzia kan sawi tawh a, 'ti tur kan nihzia' i han sawi ve leh teh ang.
    Paula chuan, "Thil tha ti atan Kristaah chuan siama awmin ama kut chhuak kan ni si a, chu thiltha tih chu kan awmna turin Pathianin a buatsaih lawk a ni," a ti a. Tin, ringtute hi Lal Isuan a chanchin la hre lote leh a hmangaih boral mekte chhanchhuak turin a aiawha a dahte kan ni a. Mahni phak ang tawk theuha thiltha ti tur leh chhandamna rawngbawl hna thawk tur kan ni. Sual phuar mekte Krista thiltihtheihna hmanga phelhin chhanchhuak ila, chung kan phelhte chu chunglamah pawh phelhin a awm zel dawn a ni. Lal Isua thiltihtheihna neitu i nih tawh avangin-
             'Thah mai tura an hruaite leh boral mekte chhanchuak la.
             Silfai la, eitur pe la;
             Boral mekte chhandam rawh.'    
   
    Sawiho tur 2-naah "Thlarau rah, 'thatna' hi engtin nge kan nunah tam zawka a lan chhuah theih ang" tih a ni a.
    A bul thut atangin han sawi ila :
    A thu hi han chhiar nawn leh ila, kan rah ni lovin 'Thlarau rah' a tih tlat avangin a hmasa berah chuan a rah tur ber Thlarau a pawimawh a ni tih kan hre thei ang.(Kan rah ve hi zawng a chhe hle si a). Kan huana serthlum rah awm turin kei aiin serthlum a pawimawh zawk ang deuh hi a ni. He Thlarau hian mihring thinlung a fanchhuah loh chuan mihring mai hi zawng kan rah hi a chhe tlat a ni. Pu Chawngkhupate'n 'Thlarau min pek lawmna hi khawvel finin a zo lo ve' an lo tih ang deuhin thatnaa par chhuahpui tham khawp lawmna hian kan thinlung hi a fan a ngai hmasa ber a ni. Ngun takin han chik ila, mihring hi a lawm loh chuan a tha thei tak tak lo reng reng. 
    'An buh leh Uaiin lo hlawk changa an lawmna aia lawmna nasa zawk ka chhungah hian i awm tir a(Sam 4:7).'
    Kan huan thlaite pawh leithate kan peka amah tibuai thei hnim dangte kan sama kan then thin chuan a rah that phah ang deuh hian keimahnia Thlarau zalen theihna tura kan nun kan hman a pawimawh a. Min pawlna thu leh tihtur min

ZAIPAWL RAWNGBAWLNA

Chawngthantluanga

     Mi tam tak tan chuan zaipawl rawngbawlna hi tangkaiin a langlo mai thei a, kan tuipui dan a inchen veklo thei bawk. Kan Pastor chuan ti hian a sawi a, "Kohhran Zaipawlte kohhhran programme a an lan(zai) tam leh tam loh hian kohhran dinhmun a hriat thin khawp mai" tiin. Heta tang hian kohhran a zaipawl te pawimawh zia chu a chiang tawk hle in a lang.
    Kohhran zaipawl  hi kohhran tin hian kan nei vek ang a, kohhran lian leh KTP member tamna-ah chuan memberte pawh kan thahnem deuh ang a, kohhran te leh KTP member tlemna ah chuan member pawh kan tlem deuh thin. Zaipawl tha leh nung tak nei kohhran nih chu a nuam hle. Nimahsela, zaipawl neih that hi thil harsa tak thlarau lam inpekna, rawngbawlna a nih avangin inngaihtlawmna thuawihna leh dawhtheihna member-ah a awm loh chuan zaipawl tha neih a har hle.
    Director/Convener, Conductor, Member-te:
An pawimawh tlang khawp mai. Zaipawl tha nei tur chuan conductor  in Convener/Director-te nihna leh  pawimawhna a hriat chian a tul a, chutiang bawkin Convener/Director ten Conductor-te nihna leh pawimawhna an hriat a tul.  An inkarah thawhhona tha tak neih a pawimawh khawp mai. Zaipawl hi mimal pakhat avanga tha thei a ni lo a, member-te pawh zaithiam lamah te, music hriatna lamah te, thlarau lamah te leh tisa lamah te mi inang lo leh tawn chin inang lo tak tak te kan ni hlawm ang a, heng zawng zawng inpawlh khawm an nih avang hian thawhhona tha neih a ngai a ni. Zai a thawh hlawk tak te, music thiam leh man tak te, solfa thiam leh aw tha tak nei pawh nise inpekna leh zaipawl dah pawimawhna change hriatloh chuan zaipawl tinung lotu leh member dangte ti hnualtu an ni duh khawp mai. Chuvang chuan kohhrante kal tlang a pathianin kan rawngbawlna chanvo pawimawh tak min chhawp chhuahsakna zaipawlah hian theihtawp chhuah a, thahnemngai tak a ke kan pen a pawimawh hle.
    Rawngbawlna chanvo pawimawh tak chelhtu chu a inserh tur a ni a, kan nun leh kan chetziate inuluk in Krista chanchin than nen a inmawi zela nitin  in nun kan hmang thin tur a ni. Heng, nulat tlangval kawngah te, Khawvel thil (Zu in te leh thil dang tam tak kan sawi seng lo ang) ah te kan inthiar fihlim tur a ni. Khawvel thil nen a kan rawngbawlna (Zaipawl) inham pawlh chung chuan nung takin rawng kan bawl thei ngai dawn lo a ni.
A tawp ber atan chuan keimahni a a tha ber Pathian hnenah kan hlan tur a ni. Kan theih tawk hi Pathianin malasawm thin si a.

KTP BRANCH COMMITTEE THU

    Dt.31.07.2014(Ningazan) khan Branch Committee neih a ni a, chuta an thurel tlangpuite kan han tarlang e.

1. Sum dinhmun : Pu Lalhmachhuana, Treasurer hnen atangin August thla sum dinhmun leh January - July thla chhung a kan sum thawhchhuah tawh leh hman ral tawh dan report ngaihthlak a ni a, hetiangin -  
    Hmuh zawng zawng       : Rs 31621.00
      B. January - July a sum hmuh zat             : Rs 3,18,779.00
          January - July a sum hman tawh zat     : Rs 250368.00 

2. Faith Promise : July thla chhunga Faith Promise lut zar chu Rs 26,710.00 a ni.
3. PYF Chungchang : Kan Kohhranin PYF kan thlen tur pualin hetiang hian ruahmanna siam a ni -
 a) Rs 20000.00 Kohhran Committe ah PYF pualin pek tura rel  a ni.
 b) Dt.25.08.2014(Thawhtan zan) a KTP ten inkhawm kim zan kan hman tura thilpek kan lak khawmte PYF pual a dah tur a ni.
 c) Thiam thil/ Phal thil theh khawm a, lilam hun siam a, sum a chantir tura ruahman a ni a, atih hlawhtlin dan kawng lo zawng turin O.B te ruat an ni.
 d) Sum tuak nan SSA Mission hnuaiah Awarness neih tur a ni a, a hun atan Dt.7.08.2014 ruahman niin, tul dang pawimawh leh ngaihtuah ngaite lo ngaihtuah turin O.B te ruat an ni.
4. Diamond Jubilee : Kohhran Diamond Jubilee Sovenior Sub-Committee ten Diamond Jubilee Calendar an siam tur atan KTP chetvelna thlalak dil kan nih angin atih hlawhtlin dan kawng lo zawng turin Documantation, Archive & Entertainment Sub- Committe ruat an ni.
5. Group Night : October thla  a Mika Group ten Group Night an hman tur chu hemi thla hian programme lian tak tak Saiha Branch tlawh, Presbytery Inkhawmpui, PYF Youth Camp leh Bial KTP Sports te neih a nih dawn avangin November thlaah sawn a ni a, ahun leh pawimawh dawng lo ngaih tuah turin Programme Committee te ruat an ni.
6) Mizoram Entrepreneurship Network ten a Kolasib a Sound system enkawl dan training an buatsaih turah mi pakhat KTP hminga tel ve tura sawm kan nih angin tel ve ngei tum a ni a, tul leh pawimawhte lo ngaihtuah turin Property Sub-Committe te ruat an ni.

KOHHRAN COMMITTEE THU

    Dt.26.07.2014(Inrinni) khan Kohhran Committee Room-ah Kohhran Committee neih ani a, chuta an thurel tlangpui kan hriat awmte kan han tarlang e.
    1. Synod atanga hriattirna dawn a nih angin Kohhran Chhiarpui neih tur a ni dawn a, Upaten mahni bial theuhah inchhiarna hi neiin Dt.4.09.2014 ral hma a, zawh hman tura tih a ni.
    2. Kan Kohhran atanga chhuak Rev. H. Lalhmingmawia, Field Secretary Assam Mission Field hnen atanga Kohhran Pavalai Pawl Work Camp nei tura a rawn ngenna chu remtih niin, a tih hlawhtlin dan tur kawng zawng turin Kohhran Pavalaite ruat an ni.
    3. Galilee Veng Biak In sak chhunzawmna turin Rs 1,00,000.00 hman remtih a ni.
    4. Building Sub-Committee tena Centenary Hall thiah rawtna Kohhran Committe a an thlen chu an thlen anga rem tih a ni.
    5. Music, Light & Soud tena rawtna an thlen angin Biak In Sound Wire(Snake Cable) kan hman lai mek chu a thar a thlak tur a tih a ni.
    6. PYF Kan thlen tur pualin Kohhran hmeichhia ten Kohhranah Rs 20,000.00 an pe.
    7. PYF kan thlen tur puala Traffic & Security Sub-Committe tena rawtna an siam angin veng chhung kawng CT. Bakery atanga Bungbul leh Dr. Lalsawmliana(L) In atanga Bungbul siam that tura rel a ni a, sorkar lam hotute lo dawr turin Upa Chawngthanmawia leh Upa Lalrinmawia Ngente te ruat an ni.
    8. PYF Sub-Committee hrang hrang tena Budget an siam chu hetiang hian pawm a ni.
            1. Suply & Refreshment                          : Rs 1,08,000.00
            2. Receiption, Information & Publicity     : Rs 40,000.00
            3. Music, Light & Sound                         : Rs 32,300.00
            4. Usher                                                  : Rs 21,300.00
            5. Decoration                                          : Rs 20,000.00
            6. Health & Sanitation                             : Rs 12,100.00
            7. Traffic & Security                                : Rs 8000.00
            8. Total                                                    : Rs 2,35,500.00