Kan hriat angin tun thla thawhtan zan hnuhnung ber lo awm turah khian Kristian Thalai pawlte chuan member inkhawm kim zan kan hmang dawn a. He hunah hian Eizawnna vang emaw Zirna vang emaw a awmbo ni lo, Kristian Thalai Pawl member zawng zawng inkhawm vek turin hruaitute chuan min ngen a. Kim taka kan inkhawm theih nan Branch Committe te Bial hrang hrangah inthendarh in member te inkhawm turin an sawm kual dawn a ni.
He zan hi kum danga kan la tih ngai loh, Signature Night(Hming Ziah Zan) tiin a hming vuah a ni a, member inkhawm zawng zawng ten Banner Sub-Committe tena hming ziahna tur an rawh siamah hming ziah vek tur a ni a, he kan hming ziahna hi Centenary Hall hmun remchangah tar tura ruahman a ni.
Kum dangah pawh member inkhawm kim zan hi kan lo hmang tawh thin a. Amaherawhchu, member ten kan ngai pawimawh tawk lovin, inkhawm pawh kan tam teh chiam ngai lo. Kumin erawh kum dang aia hmasawn turin tan la tlang i la a duhawm hle ang. Tin, kan hming ziahna Banner hi nakin lawka Archive hlu tak tur a la nih dawn avangin, kan hming a lan ve ngei theihna turin i inkhawm vek ang u.
No comments:
Post a Comment