Diakkawn Pastor Bial NPSS Inkhawmpui

      Naktuk Pathianni hi kan Bialin a Naupang Sunday School Inkhawmpui(Beginner Dept. - Inter Dept.) kan neih hun a lo ni leh ta reng mai a. Kuminah hian kum dang ang lo takin Diakkawn Pastor Bial Inkhawmpui thurel angin Naupang Sunday School Inkhawmpui hi hmun khat a hmang lovin bial chhung Kohhran hrang hranga hman tur a ni. Hetiang hian Department hrang hrang ten Kohhran hrang hrangah Inkhawmpui hi an nei ang. Beginner Dept. - Khuangpuilam Kohhran, Primary Dept. - College Veng Kohhran, Junior Dept. - Vengthar Kohhran, Intermediate Dept. - New Diakkawn Kohhran.

Sunday School Naupang te hian Pathianni chawhma inkhawmah heng- Chang, Hla, Thuinchhang leh Zirlai Bu Chhung hmangte in Inkhawmpuiah hian an intihsiak ang. Chawhnu inkhawmah Variety Programme neiin Result puan nghal tur a ni ang a, inkhawmpui hian zan lam a huam tel lovang. Kum dang aia programme hi a danglam deuh avangin zirlaiten kan hun hman dan turte chiang taka hriat i tum tlang ang u. Tin, nu leh pa ten kan fate zirtirtute kuta dah mai lovin an inkhawmpuina hmunah tawiawm i tum theuh ang u. Karleh Pathianniah Senior leh Sacrament Department ten Inkhawmpui hi Diakkawn Kohhranah an hmang ve leh ang.

Kan kohhran atanga Medal hrang hrang dawng turte -

Zalawra Medal(Kum 5 chhung S.S Honours) :

1) C. Malsawmtluanga S/o B. Lalremruata

2) C. Lalrinawma S/o C. Lalmuankima

3) Lalrozawna S/o Lalrotlinga

4) PC Laltlansangi S/o PC Lalthatzama

5) Samuel Lalremruata S/o Zoremsanga

Pi Zaii Medal(Kum 10 S.S Kaikim) :

1) Johny K. Lalramnghaka S/o V.K Thara

2) Remsangpuii S/o TMS Dawngliana

3) R. Remsangpuii S/o R. Lalramchhana

Diploma Award(Kum 25 S.S Zirtirtu) : 

1) Upa K. Lalrema S/o K. Lalthangvunga(L)

2) Upa H. Lalhuapliana S/o H. Lalchhunga

Kuminah hian kan bial atangin Diploma Award(kum 50 chhung S.S Zirtirtu a tang) dawng tur pakhat, Upa RK Zamlova, Vengthar Kohhran kan nei. Heng a chunga chawimawina hrang hrang kan tar lan te khi karleh Pathianni ah Kan Kohhrana Senior leh Sacrament Inkhawmpui kan thlen huna sem tur a ni. Tin, Kohhran hrang hrang Sunday School Reports pawh hemi hunah hian pek a ni ang.