KTP COMMITTEE THU

Dt. 29.8.2013(Ninga zan) khan Kohhran Committee Room-ah Diakkawn Branch KTP Committee vawi 9-na neih a ni a, heta thurel kan hriat awm chite kan han tarlang e.

1) Sum dinhmun : Hmuh zawng zawng - Rs 1,31,440.00, Hmanral - Rs 48,780.00, Balance - Rs 82,660.00.

2) Faith Promise : August thlaa lut zat - Rs 29,770.00. Bial 19 atangin a lut a ni.

3) Diakkawn Branch KTP Website chu Blog-ah leh a ni a, a hmingah Diakkawn ktp blogspot.in vuah a ni. Blog enkawltu atan Tv. Lalremngheta Chawngthu, Secretary, Pu Lalrinchhana leh Tv Joel Lalrinchhana te ruat an ni. Kumin chhunga an inenkawlna turin Rs 1000.00 dah a ni.

4) SIRD Department hnuaia Department hmalakna hrang hrang Documentary Film kan Branch in kan chan turah hma lo la turin heng mite hi kan ruat : Tv. Lalremngheta Chawngthu(Convener), Pu Lalthanmawia Ralte(Asst. Secy), Pu Zairemchhunga leh Pu RL Zonunmawia.

5) Nikuma Group inelna Film Insiamsiaka Pakhatna, Jakoba Group-te film siam chu Synfo a pekluh tura Branch committee in a lo rel tawh chu hmalatute hnen atangin an hmalak tawh dan ngaihthlak a ni a, peihfel tura sum an indaih loh avangin Rs 7000.00 hman belh phalsak an ni.

6) Youth Recreation Center puala CKTP in member pakhatin cheng nga(5) zel thawh tura a tih chu kan Branch bikah chuan Branch sum neihsa atanga pek mai tura tih a ni.

7) CKTP atanga lehkha kan hmuh angin Counselling Training, Dt. 24-25.10.2013 a Kolasib Venglai Kohhrana neih turah kan Branch atanga tel turin heng mite hi ruat an ni : Tv. Lallawmzuala(Asst. Leader), Pu RL Zonunmawia, Tv. Jimmy MS Dawngliana leh Tv. R. Laltanpuia. Hemi ni hian Training hi ramchhung hmun hrang hrangah neih a ni bawk ang.

8) Bial KTP hmingin Bial Office tihchangtlunna turin Dawhkan leh Ceilling Fan pek tur a nih thu kan dawng.

9) September 21-22 hmanga Chhinga Veng Branch-in min rawn tlawh turah mikhual hmuak turin Junior KTP(Senior Dept.) ruat an ni a. Hemi puala hnatlang neih hun atan September 14(Inrinni) ruahman a, intlawhtawn chhunga Fellowship neihna hmun atan Sunday School Hall thar hman tura beisei a ni bawk.    

10) Dt. 15.9.2013 a kan Kohhranin Senior & Sacrament Dapartment Meet kan thlen huna Sunday Schhool Commitee-in Usher atana min beiseina chu tihhlawhtlin remtih a ni a, Usher turte pawh ruat nghal an ni.