BRANCH INTLAWHTAWN

Kumtir lam atanga ruahman tawh angin Dt. 21-22 September hian Chhinga Veng Branch KTP ten min rawn tlawh dawn a, hemi huna kan programme tur pawh ruahman fel a ni tawh. Ruahman lawk dan chuan Inrinni chhunah lo thlengin, Inrinni zan atanga tanin, Pathianni chhun leh zanah te hun hman chhunzawm a ni ang a, inkhawm banah Fellowship tum hnih a awm bawk ang.

Kum dangah pawh Branch dang nen kan lo intlawhtawn fo tawh thin a, chung hunah chuan kan Branch hian mikhual lo lawm dan kan thiam loh thu kan sawi fo thinin, min rawn tlawhtute awka ngei atang paw'n mikhual lawm chung changa duhthu kan sam lohna thu kan dawn chang a awm thin. Tun tum chu kan mikhualte tha thei ang bera lo lawm tum tlang ila, kawng khat tala hmasawn theuh turin memberte'n tan i han la tlang teh ang u.

Chanvo nei tuturte paw'n mahni chanvo theuh ngai pawimawhin Branch hmel lanna tur a ni tih hre rengin theih tawp chhuah tlang ila, a dawn hnaiha chawpchilh taka inbuatsaih chung chung lo turin hun kan la neih lai hian a theih ang kawng kawngah lo inhmakhawsuih theuh i tum ang u.

Kan Branch atanga chanvo nei tur, Branch Committee in a ruat te chu :

1. Solo - Nl. Rebek Lalsiamthari  & Tv. Andrew Laltlankima
2. Junior Female Voice i/c Pu David C. Lalremsiama 
3. Acappella i/c Tv. Lallawmzuala
4. Musical Dance/Skit i/c Nl. Babie Vanlalruati